Sas Amministratziones Comunales de Ossi, Piaghe, Martis, Laerru, Uri e Ùsini gràtzias a unu progetu subracomunale, presentadu in su 2023, finantziadu cun fundos de sa Presidèntzia de su Consìgiu de sos Ministros cunforma a sa lege N.482 de su 15/12/1999, “Amparu de sas minorias linguìsticas istòricas”, cun Ossi comune cabufila ant abertu s’Isportellu Linguìsticu Subracomunale “ Limba de vida” chi si òcupat de contivizare sa limba sarda. Sas operadoras incarrigadas sunt pro Ossi Adriana Cocco, pro Piaghe, Usini, Laerru e Martis Francesca Sini, pro Uri Anna Laura Pirisi cun su coordinamentu iscientìficu de s'Istitutu de Istùdios e Chircas Camillo Bellieni de Tàtari, sunt a disponimentu pro tradùere materiales publitzitàrios e privados e ant a fàghere initziativas pro sas pitzinnas e sos pitzinnos e pro sa populatzione: laboratòrios didàticos, atividades de promotzione e valorizatzione culturale de su territòriu e ant a fàghere totu su netzessàriu pro impreare sa limba sarda comente limba veiculare.
.png)
